I FEIRA TECENDO RAÍCES: proxectos comunitarios, natureza e coidado
Sábado 17 de outubro de 2026
Cúpula Praza Nova, Antas de Ulla · 10:00–22:00
Programa completo
Organiza o teu camiño pola Feira
Consulta os horarios das charlas, obradoiros, actividades infantís e do concerto.
Descargar o programa 
O camiño dunha Galicia que aínda non coñeces
A Feira Tecendo Raíces está pensada como un espazo vivo, participativo e aberto a persoas de todas as idades
O seu fío condutor será “O camiño dunha Galicia que aínda non coñeces”, un percorrido simbólico inspirado no mapa da Rede Tecendo Raíces que conectará todos os espazos da feira e convidará ás persoas asistentes a descubrir iniciativas que xa están a transformar o territorio galego.
Máis que visitar diferentes espazos, a proposta convida a emprender un camiño por unha Galicia menos coñecida, feita de comunidades vivas, proxectos transformadores e persoas que apostan por coidar a terra, fortalecer os vínculos e revitalizar o rural.
Ao longo deste percorrido, as persoas asistentes poderán conversar directamente cos proxectos, participar en actividades, descubrir experiencias reais que xa se están a desenvolver en distintos puntos de Galicia e coñecer iniciativas inspiradoras que poden abrir novas posibilidades para as persoas e para os territorios.
Cada parada deste camiño permitirá achegarse a un proxecto diferente da Rede, descubrindo a diversidade de iniciativas que hoxe están a medrar en distintos puntos de Galicia. En cada un destes espazos, os proxectos ofrecerán propostas participativas que permitirán descubrir, dunha forma próxima e vivencial, a esencia do seu traballo.
A programación combinará divulgación, participación, cultura e encontro, favorecendo unha experiencia dinámica na que cada persoa poderá construír o seu propio percorrido segundo os seus intereses.
Que atoparás?
Un día para descubrir, conversar e participar
- Stands para coñecer cada proxecto
- Charlas e mesas de inspiración
- Obradoiros e experiencias
- Mercado de troco e segunda man
Temas da feira
- Revitalización do rural e novos modelos de vida.
- Agroecoloxía, soberanía alimentaria e produción local.
- Educación e acompañamento á infancia.
- Saúde integral e benestar.
- Economía social, emprendemento con propósito e cooperación.
- Comunidades resilientes e participación cidadá.
- Arte, cultura e transformación social.